A Girl Before Marriage!

A feel of a Girl before she get married!
Papa aaj mujhe itna pyaar na karo,
Kal mujhe shayad itna pyaar na mile,
Papa aaj mujhe mat apnapan na dikhao,
Kal aapse paraaye hone me dard hoga,
Papa mere liye itna dukh mat jhelo,
Kal shayad me is baat ko sochkar dukhi na hone lagun,

Papa meri zidd itni na mana karo,
Kal shayad mujhe unsuna hi rehna pade,
Papa mera itna khayal na karo,
Kal shayad koi meri taraf dhyaan bhi nai dega,
Mera liye itna sab kuch mat karo papa,
Kal shayad hi mere koi itna sochega,
Tab dard hoga papa,
Yaad aayegi aapki,
Aaj pass ho aap aansun ponchne ko,
Kal shayad ek char deewari naseeb hogi in aansuon ko,
Papa mujhe vida na karo khud se,
Kahin kho na jaaun me aapse vida hokar,
Itna dur na karo khud se,
Ke dhundh na paao mere bulane par,
Itna paraya na karo,
ke ye aansun sukh jaaye aapke aane tak!